Marco

15 Ghemo de pagar o nò?” Lu el se ga nicorto dela so ipocrisia e el ghe ga dito: “Parché sì drio meterme a prova? Porteme qua un denàrio che vui veder.” 16 Lori i ghe ga portà un denàrio e lu el ghe ga domandà: “De chi che l’è questa imàgine e de chi che l’è el nome scrito?” I ghe ga rispondesto: “De Cesar.” 17 Alora Gesù el ghe ga dito: “Paghé a Cesar quel che l’è de Cesar, ma a Dio quel che l’è de Dio.” E i ze restadi maraveiadi con lu. 29 Gesù el ga rispondesto: “El primo l’è: ‘Scolta, ò Israel. Geovà, el nostro Dio, l’è un sol Geovà. 30 Te ghè de amar a Geovà, el to Dio, con tuto el to cuor, con tuta la to ànima, con tuta la to mente e con tuta la to forsa.’ 31 El secondo l’è: ‘Ama el to pròssimo come ti stesso.’ No ghen’è altri comandamenti pi importanti de questi.” 33 Amar a Dio con tuto el cuor, con tuto el saver e con tuta la forsa, e amar el pròssimo come a ti stesso ga de pi valor che tute le oferte brusade e sacrifissi.” 41 Lu el se ga sentà nte un posto che el vedea le casse del tesoro e el ga scominsià a vardar le persone che le metea soldi rento le casse. Tanti che i era siori i metea rento tante monede. 42 Alora, una védova poareta la ze rivada e la ga metesto rento due pìcole monede che le valea pròpio poco. 43 Alora, lu el ga ciamà i so dissìpoli e el ghe ga dito: “L’è sicuro che questa védova poareta la ga metesto nele casse del tesoro de pi che tuti i altri. 44 Parché tuti i altri i ga dato quel che ghe vansea, ma ela, anca se la era poareta, la ga dato tuto quel che la gavea par viver.”