1 Tessalonissensi

5 Ma adesso, fradei, no ocore che mi ve scriva gnente sora i tempi e le èpoche. 2 Parché valtri savé ben che el giorno de Geovà l’è drio rivar pròpio come un ladron de note. 3 Quando i dirà: “Vivemo in pace e sensa paura!”, de colpo vegnarà sora lori una destrussion, cossita come i dolori de parto i vien nela dona che la ze drio spetar un fiol. E lori no i scamparà de gnanca una maniera. 4 Ma valtri, fradei, no sì mia nel scuro. Cossita, questo giorno no’l saria una sorpresa par valtri come saria par un ladron. 6 Alora, no stemo mia dormir compagno ai altri, ma ghemo de restar desmissiadi e atenti. 7 Parché quei che i dorme, i dorme de note. E quei che i fà la ciuca, i la fà de note. 8 Ma noantri, che semo del giorno, ghemo de restar atenti e meter su la corassa dela fede e del amor e el capassete dela speransa dela salvassion. 10 Lu l’è morto par noantri, cossita podaremo viver con lu, no importa se semo desmissiadi o se semo drio dormir. 11 Alora, seité a darve coraio e farve pi forti un al altro, cossita come belche sì drio far. 12 Domandemo a valtri, fradei, de gaver rispeto par quei che i laora tanto in meso de valtri, che i lidera nel Signor e che i ve dà consili; 13 e de gaver la pi granda considerassion e amor par lori par via del so laoro. Che valtri gavé pace un col altro. 14 Par nantra banda, fradei, ve suplico de dar consili firmi a quei che no i obedisse, de consolar quei che i ze desanimadi, de dar apoio ai fiachi, de gaver passiensa con tuti. 15 Sté atenti che nissun de valtri el fae el mal a quei che i ve fà el mal. Invesse, sforseve sempre de far el ben intrà de valtri e coi altri. 17 Preghé sempre. 18 Ringrassié par tute le robe. L’è questo che Dio el vol che valtri fé come dissìpoli de Cristo Gesù. 21 Gavé de esaminar tute le cose. Gavé de tegnerve in quel che l’è bon. 23 Che el pròpio Dio de pace el ve santifiche del tuto. E che el spìrito, la ànima e el corpo de valtri, fradei, i sìpia sempre sensa colpa e sani in tute le maniere, nela presensa del nostro Signor Gesù Cristo.