2 Timòteo

4 Mi te dao una òrdine davanti de Dio e de Cristo Gesù, che el ndarà giulgar i vivi e i morti quando lu el ndarà mostrar la so glòria e quando lu ndarà governar el so Regno: 2 Predica la parola de Dio. Te ghè de predicar sensa perder tempo, quando l’è fàcile ma anca quando l’è difìcile. Dissiplina, dà forti consili e incoraia con tuta la passiensa e cole abilità de un bon maestro. 3 Parché rivarà un tempo che le persone no le soportarà el insegnamento bon, ma le ndarà far quel che le vol e le ndarà in serca de istrutori che i ghe dise quel che le vol scoltar. 4 Lore le assarà de scoltar la verità ma le scoltarà le stòrie false. 5 Ma ti, seita atento in tute le robe, soporta le dificoltà, seita a predicar le bone notìssie, fà el to laoro de maniera completa. 6 Parché mi son belche stà trato par sora come una oferta de bebida, e la ora dela me liberassion la ze darente. 7 Go lotà la bona lota, go finio la carera, go vivesto de acordo cola fede. 8 De adesso avanti la corona dela giustìssia la ze riservada par mi. El Signor, el giusto giuis, el me la darà come ricompensa in quel giorno. E nò la darà sol a mi, ma anca a tuti quei che i ze premosi del tempo che lu el va mostrar el so poder. 9 Fà tuto quel che te pol par vegner catarme suito. 11 Sol Luca l’è con mi. Quando te vien, mename Marco, parché lu el me va ben nel laoro par Dio. 17 Ma el Signor l’è restà dela me banda e el me ga dato forsa. El volea che, par meso de mi, la predicassion la fusse fata del tuto, e che tute le nassion la scoltesse. E son stà salvo dela boca del leon. 22 Che el Signor el sìpia col spìrito che ti te mostri. Che la so maraveiosa bontà la sìpia con ti.