Luca

34 Ma Gesù el ga dito: “Pare, perdónali parché no i sa cossa che i ze drio far.” Lori i ga anca tirà la sorte par spartir le so robe. 39 Alora, un dei bandidi che l’era picà su nel pal el ga scominsià a dirghe su. Lu el disea: “Ti no te sì mia el Cristo? Alora, sàlvate e salva a noantri!” 40 Ma quel altro el ghe ga ciamà atension e el ghe ga dito: “Adesso che te ghè ricevesto el medèsimo castigo, gheto mia gnancora rispeto par Dio? 41 L’è giusto che semo castigadi cossita, parché lo meritemo dopo tuto quel che ghemo fato. Invesse questo omo no’l ga fato gnente de sbalià.” 42 E lu el ga anca dito: “Gesù, ricòrdate de mi quando te ndarè rento el to Regno!” 43 E lu el ghe ga dito: “In verità, mi te digo ancoi: Te sarè con mi in Paradiso.” 46 E Gesù el ga dito in alta voce: “Pare, asso el me spìrito nele to man.” Dopo de dir questo, l’è morto.