Daniel

6 Quel che no’l se indenociarà par adorar la imàgine suito el sarà metesto nel forno che brusa.” 16 Sadrache, Mesache e Abednego i ga rispondesto al rè: “Ò, Nabucodonosor, no ocore che te rispondemo sora questa roba. 17 Se ga de esser cossita, el nostro Dio che servimo, el pol salvarne del forno che brusa e el pol salvarne dela to man, ò rè. 18 Ma, anca se no’l fà questo, sàpia, ò rè, che noantri no ndaremo servir ai to dèi gnanca adorar ala imàgine de oro che te ghè fato. 24 Alora, Nabucodonosor l’è levà su svelto e spaurà e el ghe ga domandà a quei pi importanti che laorea par lu: “Èrili mia tre òmini che gaveino ligà e trati rento el fogo?” E lori i ghe rispondesto: “Si, ò rè.” 25 El ga dito: ”‏Vardé! Vedo quatro òmini che i camina in meso del fogo, e no l’è drio sucederghe gnente, e el quarto omo ghe someia a un fiol de dèi.”‏ 28 Nabucodonosor el ga dito: “Sìpia lodà el Dio de Sadrache, Mesache e Abednego, che el ga mandà el so àngelo par salvar i so servi. Lori i se ga fidà nel so Dio invesse de obedir al rè. Lori i ga scoliesto morir, pitosto de adorar qualcossa che no fusse el so Dio.