Tiago

3 Quando domandé, no ricevé mia, parché sì drio domandar cola motivassion sbaliada, par far de acordo cole vostre voie dela carne. 4 Valtri che sì infedeli, no savé che quei che i ze amighi del mondo i ze nemighi de Dio? Par quela, se qualchedun el vol esser amigo del mondo, lu el deventa nemigo de Dio. 5 O valtri pensé che l’è par gnente che la Scritura la dise: “El spirito che ghen’è in noantri el seita a gaver voie con invìdia”? 6 Ma, la maraveiosa bontà imèrita che Dio el dà la ze pi granda. Par quela, le Scriture le dise: “Dio l’è contra i aroganti, ma el mostra la so maraveiosa bontà ai ùmili.” 7 Alora, aceté la autorità de Dio, ma meteve contra el Diaol e lu el scamparà via de valtri. 8 Rivé darente de Dio e lu el rivarà darente de valtri. Neté le vostre man, pecadori, e purifiché el vostro cuor, indessisi. 11 Fradei, basta parlar mal un dei altri. Quel che el parla contra un fradel o el giulga un fradel, el parla contra la lege e el giulga la lege. Se ti te giulghi la lege, te si un giuis, ti no te si drio obedir la lege. 12 Ghen’è sol un che l’è Legislador e Giuis, quel che el pol salvar e destruser. Ma sito chi par giulgar el to pròssimo? 13 Scolté valtri che disé: “Ancoi o doman, ndaremo viaiar fin quela cità e passaremo un ano lì par far negossi e imuciar su soldi”, 14 anca se no savé come sarà la vostra vita doman. Parché valtri sì come una nèbia che la càpita par un pochetin de tempo e dopo la sparisse.