Proverbi

28 I rugni i scampa fin quando che nissuni li perseghe, ma i giusti i ga tanta confiansa come un leon. 5 I rugni no i pol capir la giustìssia, ma quei che i va in serca de Geovà i pol capir tuto. 9 Lu el òdia fin la orassion de quei che no i vol mia obedir ala so lege. 13 Le robe no ghe ndarà ben a quel che el sconde i so pecati. Ma quel che el confessa i so pecati e no li fà nantra volta el sarà tratà con misericòrdia. 14 Felice l’è el omo che l’è sempre atento. Ma quel che el assa el so cuor duro el gavarà desgràssia. 20 El omo fedele el va ricever tante benedission, ma quel che vol deventar sior de colpo no’l va restar inossente. 23 Quel che el corege nantro col tempo el sarà pi ben volesto de che quel che el dà lodi sol par gaver qualcossa indrio. 26 Quel che el se fida nel so cuor l’è stùpido. Ma quel che el ga sabedoria el scamparà dele dificoltà.