Salmi

51 Ò Dio, col to amor leal, mostrame favor. De acordo cola to granda misericòrdia, desméntega dei me sbali. 2 Netame del tuto dei me sbali e fame restar neto dei me pecati. 3 Parché mi sò ben quai che i ze i me sbali, e son sempre drio pensar nei me pecati. 5 Son belche nassesto cola colpa e son pecador de quando me mama la ze deventada gràvida. 6 Mi sò che te piase quando la verità la ze rento el cuor dela persona. Alora, insegna al me cuor la vera sabedoria. 10 Crea in mi un cuor puro, ò Dio, e meti rento de mi un spìrito novo e firme. 17 I sacrifissi che ghe piase a Dio i ze un spìrito che l’è drio sofrir. Ò Dio, no te assarè de banda quei che i ga un cuor spacà e schissà.