1 Corinti

7 Ma mi volaria che tuti i òmini i restasse sensa maridarse come mi. Ma Dio no’l ga mia fato tuti compagni. Dio el assa che quei che i vol maridarse, che i se maride e quei che no i vol, che no i se maride. 8 Adesso, mi parlo par quei che no i ze mia maridadi e par le védove che l’è meio no maridarse, come mi. 9 Ma se no i ga el autocontrolo, l’è meio maridarse. Parché l’è meio maridarse che no gaver controlo sora le so voie. 10 A quei che i ze maridadi dao istrussion, nò mi, ma el Signor, che la sposa no la ga de separarse del so sposo. 11 Ma se la se spartirse, la ga de restar sensa maridarse o la ga de ritornar col so sposo. E el sposo no’l ga de assar la so sposa. 12 Ma ai altri mi digo, si, mi, nò el Signor: Se qualche fradel el ga la sposa che no la crede, e ela la vol restar con lu, che lu no la asse. 13 E la dona che la ga el sposo che no’l crede, e lu l’è disposto a viver con ela, no la asse el so sposo. 14 Parché el sposo che no’l crede mia l’è santificà par via dela so sposa, e la sposa che no la crede mia la ze santificada par via del so sposo che el crede. Par quela i so fioi i ze santi, senò, i saria impuri. 16 Ti, sposa, come che te sè che no te ndarè salvar el to sposo? O ti, sposo, come che te sè che no te ndarè salvar la to sposa? 31 E quei che i dopera el mondo i ga de far come quei che no i lo dopera del tuto, parché le robe che le sucede in questo mondo le ze drio cambiar. 32 Mi vui che valtri no gavé gnanca una preocupassion. El omo nò maridà el se preocupa cole robe del Signor, de come el pol gaver la aprovassion del Signor. 33 Ma el omo maridà el se preocupa cole robe del mondo, de come el pol gaver la aprovassion dela sposa, 34 e l’è dividio. Anca la dona nò maridada , compagno dela vèrgine, la se preocupa cole robe del Signor par esser santa nel corpo e spìrito, intanto che la dona maridada la se preocupa cole robe del mondo, come la pol gaver la aprovassion del sposo. 36 Ma se qualchedun el pensa che l’è drio comportarse mal parché no l’è mia maridà, e no l’è massa gióveno, el ga de far cossita: el pol maridarse se l’è quel che el vol. No l’è mia un pecato. 37 Ma se qualchedun el ga dessidio nel so cuor e no’l sente mancansa de maridarse, ma l’è bon de controlar le so voie e el vol mantegner la so dessision, el fà ben. 38 Alora, quel che se marida el fà ben, ma quel che no’l se marida el fà meio. 39 Una dona la ze unida col so omo intanto che lu l’è vivo. Ma se el omo el more, ela la pol maridarse con chi che la vol, ma sol con un che el serve al Signor.