Deuteronómio

32 “Scolté, ò cielo, mi vao parlar. E che la tera la scolte quel che mi vao dir. 2 Quel che insegno ndarà vegner do come la piova. Le me parole le ndarà vegner do come el sguasso, come la piova ciara sora la erba e come una bona spiovada sora le piante. 3 Parché mi vao dechiarar el nome de Geovà. Parlé sora la glòria del nostro Dio! 4 Lu l’è la Ròcia. Perfeto l’è tuto quel che lu el fà, parché tute le so strade le ze giuste. Dio de fidelità, che mai l’è ingiusto. Lu l’è drito e giusto. 5 Lori che i ga fato pecati. No i ze mia i so fioi, lori i ga sbalià. Lori i ze una generassion rugna e trista. 6 L’è cossita che valtri gavé de tratar Geovà, ò pòpolo bauco e stùpido? No l’è mia lu to Pare, quel che el te ga fato, quel che el te ga creà e te ga fato deventar una nassion? 7 Ricòrdate del passà, pensaghe sora el tempo dei vostri antenati. Domanda al to pare e lu el te contarà, ai ansiani intrà de valtri e lori i te dirà. 8 Quando el Altìssimo el ga dato una eransa ale nassion, quando el ga spartio i fioi de Adon intrà de lori, lu el ga spartio la tera de acordo col nùmero dei fioi de Israel. 9 Parché el pòpolo de Geovà l’è la so parte, Giacò l’è la so eransa. 10 Lu lo ga catà nte una tera sensa nissuni, nte un deserto sensa gnente, ma con tanti urli. Lu el se ga metesto intorno par protegerlo, tenderlo e lo ga protegesto come la pupila dei so oci. 11 Cossita come la àghia sfrugna el so gnaro, la zola sora i so oseleti e la verde le so ale par ciaparli e portarli nele so pene. 12 Sol Geovà lo guidea, gnanca un dio straniero l’era con lu. 28 Israel l’è una nassion che no scolta i consili e no capisse gnente. 29 Ma se i fusse boni de capir, i ndaria pensarghe sora. I ndaria pensar in quel che ndaria sucederghe. 51 Parché valtri no sì stati fedeli a mi intrà el pòpolo de Israel in quel che ga sucedesto cola àqua de Meribà, quando eri in Cades, nel deserto de Zin. No gavé dato glòria a mi davanti del pòpolo de Israel. 52 Ti te vederè la tera de distante, ma no te ndarè rento la tera che ghe dao al pòpolo de Israel.”