Gioani

13 Vanti dela Festività dela Pàscoa, Gesù belche el savea che la era rivada la ora de assar questo mondo par tornar col Pare. Cossita come lu el ga sempre amà i so dissìpoli che i era nel mondo, lu el ga seità amarli fin el fin. 2 Intanto che lori i era drio magnar, el Diaol el gavea belche metesto nel cuor de Giuda Iscariot, fiol de Simon, el pensamento de tradir Gesù. 3 Gesù el savea che el Pare el ghe gavea dato autorità. El savea che l’era vegnesto de Dio e che el ndaria tornar a Dio. 4 Par quela, lu el se ga levà su dela tola e el se ga cavà via la roba che la era par sora dela so veste. El ga ciapà una toaia e la ga ligada intorno dela so sintura. 5 Dopo, el ga metesto àqua nte una mastela, el ga scominsià a lavar i pié dei dissìpoli e li ga sugadi cola toaia che la era nela so sintura. 13 Valtri me ciamé de ‘Istrutor’ e ‘Signor’, e gavé rason, parché son pròpio. 14 Alora, se mi, che son el Signor e Istrutor, go lavà i vostri pié, anca valtri gavé de lavarve i pié un del altro. 15 Parché mi ve go dato el esémpio, cossita valtri podé far compagno a mi. 17 Se valtri savé queste robe, sarè felici se le meté in pràtica. 34 Mi ve dao un novo comandamento: gavé de amarve un al altro. Cossita come mi ve go amà, anca valtri gavé de amarve un al altro. 35 Par meso de questo tuti i saverà che valtri sì i me dissìpoli: se gavé amor intrà de valtri.”