Mateo

3 E i farisei i vegnea darente de lu cola intension de provarlo, disendo: “L’è giusto che un omo se divòrsie dela so dona par qualche motivo?” 4 Lu el ga rispondesto: “Valtri no gavé mia ledesto? Nel scomìnsio, quel che li ga creadi li ga fati omo e dona, 5 e el ga dito: ‘Par quela, el omo el assarà so pare e so mare, e se unirà ala so sposa, e i due i sarà una sol carne’. 6 Cossita no i ze mia pi due, ma una sol carne. Alora, quei che Dio el ga unio, el omo no’l pol spartir.” 9 E mi ve digo che qualchedun che el se divòrsia dela so dona, se no l’è par via de imoralità sessual, e el se marida con nantra dona, el fà adultèrio.” 12 Ghen’è quei che no i se marida parché i ze nassesti con un problema, ghen’è quei che i ze stati castradi e ghen’è quei che no i se marida par causa del Regno de Dio. Quei che i pol farlo, che i lo fae.” 13 Alora i menea i tosatei a lu, par che lu el metesse le man sora lori e fesse una orassion, ma i dissìpoli i ghe disea su. 14 Alora, Gesù el ga dito: “Assé i tosatei e no sté mia fermarli de vegner a mi, parché el Regno del cielo l’è de quei come lori.” 15 E lu el ga metesto le man sora lori e l’è ndato via de li. 21 Gesù el ghe ga dito: “Se te vol esser perfeto, va, vendi tuto quel che te ghè e daghe i soldi ai poareti. E ti te gavarè un tesoro nel cielo. Dopo, vien e sìpia me dissìpolo.” 24 Mi ve lo digo ancora: L’è pi fàcile un camel ndar rento par el buso de una gùcia che un omo sior ndar rento el Regno de Dio.” 26 Gesù li ga vardà drio nei oci e ghe ga dito: “I òmini mai i saria boni de far una roba cossita, ma Dio l’è bon de far tute le robe.” 27 Piero el ga rispondesto: “Varda, ghemo abandonà tuto e semo ndati drio a ti, signor. Alora cossa che ndaremo ricever?” 28 Gesù el ghe ga dito: “Mi ve dao una garansia che quando rivarà el tempo de far tuto novo nantra volta, quando el Fiol del Omo el ndarà sentarse nel so trono glorioso, valtri che sì vegnesti drio a mi ve sentaré in 12 troni e ndaré giulgar le 12 tribo de Israel. 29 E tuti quei che i ga assà indrio case, fradei, sorele, pare, mare, fioi o campi, par causa del me nome, i ndarà ricever sento volte de pi e ndarà ereditar la vita eterna.