Luca

8 Poco tempo dopo, lu el ga scominsià a ndar a tute le cità e anca ale pìcole cità par predicar e anunsiar le bone notìssie del Regno de Dio. E i Dódese apòstoli i era con lu. 2 E, ghen’era anca arquante done che le ze state lìbere dei spìriti rugni e guaride dele malatie. Par esémpio, Maria, che i la ciamea Madalena, che la ze stata lìbera de sete demoni; 3 Gioana, la dona de Cuza, un omo che el tendea de tuto nela casa de Erode; anca Susana e tante altre done che le giutea a lori con quel che le gavea. 8 Ma altre le ze state semenade nte una tera bona, e dopo de butar, le ga dato fruto 100 volte de pi.”‏ Dopo de dirghe questo, el ga parlà forte: ”‏Quei che ga récie par scoltar, che i scolte.”‏ 9 Ma i so dissìpoli i ghe ga domandà cossa che volea dir questa ilustrassion. 15 Quele in tera bona le vol dir quei che i scolta la parola con un cuor sinsiero e bon, e dopo i la aceta e i dà fruto con perseveransa. 18 Par quela, sté atenti a come scolté. Parché a chi che ga, se ghe darà de pi, ma a chi che no ga, se ghe cavarà via anca quel che el pensa che el ga.” 40 Quando Gesù l’è tornà, le persone lo ga ricevesto tanto ben parché le era drio spetarlo. 41 Alora, l’è rivà un omo de nome Giairo, che l’era un dei paroni dela sinagoga. Lu el se ga trato ai pié de Gesù e el ghe ga suplicà che el ndesse fin ala so casa, 42 parché la so ùnica fiola, che la gavea intorno de 12 ani, la era drio morir. Intanto che Gesù l’era drio ndar, ghen’era una mùcia de gente che ndea insieme de lu. 49 Intanto che el parlea, l’è rivà un omo dela casa del paron dela sinagoga, e el ga dito: “To fiola la ze morta. No stà pi disturbar el Istrutor.” 50 Dopo de scoltar questo, Gesù el ga dito a Giairo: “No stà gaver paura, sol gàpia fede e to fiola la sarà salva.” 51 Quando l’è rivà nela casa, el ga assà ndar rento con lu sol Piero, Gioani, Tiago e el pare e la mare dela toseta. 52 Tuti i piandea e i batea nel peto par causa dela toseta. Par quela, lu el ga dito: “Basta de piander parché no la ze morta, la ze drio dormir.” 53 Ma, i ga scominsià a riderghe in fàcia parché i savea che la era morta. 54 Alora, lu la ga ciapada par la man e el ghe ga dito: “Toseta, lèvate su!” 55 E la so forsa de vita la ze tornada, e suito la se ga levà su e Gesù ga dito de darghe qualcossa de magnar. 56 So pare e so mare no i era gnanca boni de creder, ma Gesù el ghe ga dito de no parlar a nissuni quel che gavea sucedesto.