Gioani

14 Gesù anca el ga dito: “No sté restar preocupadi. Dimostré che gavé fede in Dio, e dimostré che gavé fede anca in mi. 2 Nela casa del me Pare ghen’è tanti posti de star. Se no’l fusse cossita, mi ve lo gavaria dito. Ndarò via par pareciarve un posto. 3 E dopo che mi vao via e ve parecio un posto, tornarò e valtri ndaré insieme con mi. Cossita, ndove mi sarò anca valtri saré. 6 Gesù el ga dito: “Mi son la strada, la verità e la vita. Nissun riva al Pare senò par meso de mi.” 9 “Quel che el ga visto a mi el ga visto anca al Pare.” 12 In verità, ve digo: Quel che mostra fede in mi el farà anca i laori che mi fao. E lu el farà laori pi grandi, parché mi vao al Pare. 13 Anca, tuto quel che domandé nel me nome, mi lo farò, par glorificar el Pare par meso del Fiol. 14 Qualcossa che valtri domandé nel me nome, mi lo farò. 15 “Se valtri me amé, ndaré obedir ai me comandamenti. 16 E mi vao domandarghe al Pare, e lu el ve darà nantro aiuto par restar con valtri par sempre. 21 Quel che me ama el aceta e el obedisse ai me comandamenti. Me Pare el amarà a quel che me ama e mi amarò questa persona e ndarò pròpio mostrarme a ela.” 23 Gesù el ghe ga rispondesto: “Quel che el me ama el ndarà obedir ala me parola. El me Pare lo amarà, e noantri ndaremo a lu e viveremo con lu. 26 Ma el aiuto, el spìrito santo, che el Pare el mandarà nel me nome, el ndarà insegnarve tute le robe e el ve farà ricordar de tute le robe che mi ve go dito. 27 Ve asso la pace. Ve dao la me pace. No ve la dao come el mondo la dà. No sté preocuparve, gnanca resté spauradi. 28 Valtri gavé scoltà che ve go dito: ‘Vao via e torno a valtri.’ Se valtri me amassi, valtri restarissi contenti che mi son drio ndar al Pare, parché el Pare l’è pi grando de mi. 30 No vao pi parlar tanto con valtri, parché el governante del mondo l’è drio rivar, e lu no’l ga mia poder sora mi. 31 Ma, par far el mondo saver che mi amo el Pare, fao come el Pare el me ga mandà. Levé su, ndemo via de qua.