1 Gioani

2 Cari, adesso semo fioi de Dio, ma lu ancora no’l ga mostrà come che saremo nel futuro. Savemo che quando lu el se farà veder par noantri, saremo come lu parché ndaremo vederlo come lu l’è. 8 Quel che el pratica el pecato el vien del Diaol, parché el Diaol l’è drio pecar del scomìnsio avanti. El Fiol de Dio el ga mostrà el so poder col ogetivo de desfar quel che el Diaol el ga fato. 10 I fioi de Dio e i fioi del Diaol i se fà cognosser de questa maniera: tuti quei che no i pratica la giustìssia no i vien de Dio, gnanca quei che no i ama i so fradei. 11 Parché questo l’è el messàgio che gavè scoltà nel prinsìpio, che gavemo de amarse un al altro. 12 Nò come Cain, che el se ga originà del Perverso e che el ga copà so fradel. E parché che lo ga copà? Parché i so laori i era rugni, ma quei de so fradel i era giusti. 15 Quel che el òdia el so fradel l’è un assassino, e valtri savé che gnanca un assassino el ga la vita eterna. 16 Noantri savemo cossa che l’è el amor parché lu el ga dato la so vita par noantri e ghemo de dar la nostra vita par i nostri fradei. 17 Metemo dir che una persona che la ga quel che ghe ocore par viver la vede che el so fradel no’l ga quel che ghe ocore, ma no lo giuta. Come che questa persona la pol dir che la ama a Dio? 18 Me fioi, gavemo de amar no in parole gnanca cola léngua, ma in assion e in verità. 19 Cossita, noantri ndaremo saver che ghemo la verità e ndaremo esser sicuri che Dio el ne ama 20 sempre che el nostro cuor el ne condana, parché Dio l’è pi grando che el nostro cuor e el sa tute le robe. 23 Infati, el so comandamento l’è che ghemo de ver fede nel nome del so Fiol, Gesù Cristo, e che ghemo de amarse un al altro, cossita come lu el ne ga comandà.