Luca

11 Pena dopo, lu l’è ndà nte una cità de nome Nain. I so dissìpoli e una mùcia de gente i viaiea insieme de lu. 12 Quando l’è rivà darente del porton dela cità, i ga visto che i portea fora un gióveno che l’era morto. So mama la era védova, e lu l’era so ùnico fiol. Ghen’era tanta gente dela cità insieme de ela. 13 Quando el Signor la ga vista, ghe ga fato pecà, e lu el ghe ga dito: “No stà piander.” 14 Dopo, lu l’è rivà darente, el ga tocà la portantina e i òmini che i la tegnea i se ga fermà. Alora, lu el ga dito: “Toso, mi te digo: Levate su!” 15 Alora, el toso che l’era morto el se ga sentà do e el ga scominsià a parlar. E Gesù lo ga dato a so mama. 35 Ma, la persona la mostra che la ga sabedoria par via dei resultadi che la ga.” 44 Alora, lu el ga vardà la dona e el ga dito a Simon: “Védito questa dona? Son vegnesto rento la to casa e ti no te me ghè dato àqua par i pié. Ma questa dona la ga bagnà i me pié cole so làgrime e li ga sugadi coi so cavei. 45 Ti no te me ghè basà gnanca una volta, ma, de quando son vegnesto rento, questa dona no la se ga fermà de basar i me pié par mostrar che la me vol tanto ben. 46 Ti no te ghè metesto òio sora la me testa, ma questa dona la ga metesto òio profumado nei me pié. 47 Par quela mi ve digo: ela la ga fato tanti pecati, ma i ze perdonadi parché la ga mostrà tanto amor. Ma quel che l’è perdonà poco el ama poco.