Tito

1 De Paolo, schiavo de Dio e apòstolo de Gesù Cristo, de acordo cola fede de quei che Dio el ga scoliesto e cola cognossensa giusta dela verità. Questo l’è de acordo cola devossion a Dio 2 e el se fondamenta nte una speransa de vita eterna che Dio el ga prometesto tanto tempo indrio. E Lu no’l pol dir busie. 5 Mi te go assà a Creta parché ti te coregi quel che ancora no va ben, e par far designassion de ansiani de cità in cità, de acordo cole istrussion che mi te go dato: 6 un ansiano el ga de esser sensa acusassion, el ga de esser maridà sol con una sposa e i so fioi credenti no i ga de viver una vita sensa règole o esser rebeli. 7 El superintendente, come un aministrador che Dio el ga designà, el ga de esser sensa acusassion, no’l ga de esser arogante, gnanca restar inrabià con facilità, no’l ga de far la ciuca, gnanca esser violento, no’l ga de esser un che el va sempre in serca dei so benefissi de maniera disonesta, 8 ma el ga de amar la bontà, esser ospitalero, gaver bon giudìssio, esser giusto, leal, esser bon de controlarse in tuto, 9 e la so maniera de insegnar la ga de esser giusta, fedele ala parola, cossita che lu el pol incoraiar par meso del insegnamento che el porta benefissi e indrissar quei che i ghe va contra. 12 Un de lori, un so profeta, el ga dito: “I cretensi i ze sempre busieri, animai cativi, sgordi miserioni.”