Luca

2 E li ga mandà par predicar el Regno de Dio e par guarir i maladi, 11 Quando le persone le ga savesto de questo, le ze ndate drio a lu. E lu le ga riceveste con bontà. El ga scominsià a parlarghe del Regno de Dio e a curar i maladi. 23 Alora el ga dito anca a tuti: “Quel che el vol esser me dissìpolo no’l ga de viver come lu el vol, ma el ga de ciapar tuti i giorni el so pal de tortura e el ga de seitar a ndar drio a mi. 28 E cossita, intorno de oto giorni dopo de dir queste parole, lu el ga menà insieme Piero, Gioani e Tiago e l’è ndà su al monte par pregar. 29 E, intanto che el preghea, la so siera la ga cambià e la so roba la ze deventada de un color bianco che slusea. 30 Alora, due òmini i ze capitadi, Moisè e Elia, e i parlea con lu. 31 E lori i slusea con glòria e i ga scominsià a parlar sora cossa che ndaria suceder in Gerusalen, sora come Gesù el ndaria via. 32 Piero e i altri con lu i se ga indormensà, ma quando i se ga desmissià, i ga visto la glòria de Gesù e i due òmini in pié con lu. 33 Intanto che i due òmini i ndea distante de Gesù, Piero el ga dito a Gesù: “Istrutor, l’è bon che semo qua. Ndemo far su tre tende, una par ti, una par Moisè e nantra par Elia.” Lu no’l se nicordea de quel che l’era drio dir. 34 Ma, intanto che el parlea, se ga formà una nùvola e ga scominsià querderli. Quando la nùvola li ga querti, i ze restadi con paura. 35 Alora, una voce che la vegnea fora dela nùvola la ga dito: “Questo l’è me Fiol, quel che go scoliesto. Scoltélo.” 36 In quela ora, Gesù l’è restà lu sol. E lori no i ga dito gnente a nissuni in quei giorni, sora quel che i gavea visto. 38 Alora, un omo che l’era intrà le persone el ga osà: “Istrutor, mi te suplico par veder el me fiol, parché go sol lu de fiol. 39 Un demònio el va rento el me fiol e de colpo lo fà osar, lo fà gaver convulsion e vien fora sgiuma dela so boca. Sol dopo de farlo tribolar tanto che el demònio el va via. 40 Go soplicà ai so dissìpoli che i paresse via quel spìrito, ma lori no i ze mia stati boni.” 41 Gesù el ga dito: “Ò generassion sensa fede e perversa. Fin quando gavarò de seitar con valtri e soportarve? Porté questo fiol qua.” 42 Quando el toso l’era drio rivar, el demònio lo ga trato in tera con forte convulsion. Ma, Gesù lo ga fermà, el ga guario el toso e lo ga dato indrio a so pare.