Mateo

3 Dopo de scoltarlo, arquanti scribi i ga pensà: “Questo omo l’è drio bestemar.” 4 Ma Gesù el cognossea quel che i era drio pensar. Alora el ga dito: “Parché che pensé robe rugne nel vostro cuor? 12 Lu li ga scoltadi e el ga dito: “Quei che i ga salute no ghe ocore de dotor, ma quei maladi, si. 13 Alora, valtri gavé de imparar quel che ghe vol dir: ‘Vui misericòrdia, e nò sacrifìssio.’ Parché no son vegnesto par ciamar i giusti, ma par ciamar i pecadori.” 14 Dopo, i dissìpoli de Gioani i ze ndati fin Gesù e i ghe ga domandà: “Parché che noantri e i farisei femo gegiun ma i to dissìpoli nò?” 15 Gesù el ghe ga dito: “Sarà che i amighi del noivo i resta tristi intanto che el noivo l’è con lori? Quando el noivo no’l sarà pi con lori, alora si i farà gegiun. 16 Nissuni i cosisse un tacon novo nte una roba vècia, parché el tacon novo el ndarà sbregar la roba e el restarà pedo. 17 Gnanca se mete vin novo in odri veci. Senò i odri i se crepa e el vin el vien fora, e i odri i ze rovinadi. Ma se mete vin novo in odri novi, cossita gnanca un dei due se rovina. 29 Che ve suceda secondo la vostra fede. 35 E Gesù el ga scominsià un viaio in tute le cità e colonie. Lu el insegnea nele so sinagoghe, el predichea le bone notìssie del Regno e el guaria tuti i tipi de malatie e magagne. 36 Quando el vedea tuta quela gente, ghe fea pecà, parché i era maltratadi e butadi de una banda al’altra come piégore sensa pastor. 37 Lu el ga dito ai so dissìpoli: “La racolta la ze pròpio granda, ma i laoradori i ze pochi. 38 Alora, domandé al Signor dela racolta che el mande de pi laoradori par la So racolta.”