Luca

15 Tuti quei che i tolea imposti e i pecadori i vegnea darente de lu par scoltarlo. 2 E i farisei e i scribi i parlea mal de lu intrà de lori. I disea: “Questo omo el trata ben i pecadori e fin el magna insieme de lori.” 3 Alora, Gesù el ghe ga contà una stòria: 4 “Un omo el ga 100 piégore e una la se perde. El assa le 99 nel deserto par ndar in serca de quela che la ze persa, fin catarla. No farissi compagno? 5 Dopo, quando lu la cata, la mete sora le spale e el resta contento. 6 E quando el va casa, el ciama i so amighi e i so visini, e el ghe dise: ‘Resté contenti con mi, parché son stà bon catar la me piégora che la era persa.’ 7 Ve digo che dela medèsima maniera, ghen sarà de pi alegria nel cielo quando un pecador el se ciama gramo che coi 99 giusti che no ghe ocore ciamarse grami. 8 “Che dona che, gavendo diese dracme e la perde una dracma, no impissa una làmpada, scoa la casa e la va in serca con atension fin che la cata? 9 E, quando la cata, la riune le so amighe e visine, e la dise: ‘Resté contente con mi, parché go catà la dracma che mi gavea perso.’ 10 Mi ve digo che anca i àngeli de Dio i resta contenti quando una persona che la ga fato un pecato la se ciama grama.” 17 “Quando el se ga nicorto de quel che el gavea fato, el ga dito: ‘Intanto che quei che i laora par me pare i ga tanto pan par magnar, mi son qua che moro de fame! 18 Mi vao ritornar a casa de me pare e vao dirghe: “Pare, go fato un pecato contra el cielo e contra ti. 19 Mi no mèrito mia esser ciamà to fiol. Fà con mi come te fè con un che laora par ti.”’ 20 Cossita, lu l’è ndato via par catar el so pare. Quando lu no l’era gnancora rivà, el so pare lo ga visto e el ghe ga fato pecà. Lu l’è ndato de carera e el ghe ga dato un strucon e lo ga basà con tanto amor. 21 El fiol el ghe ga dito: ‘Pare, go fato un pecato contra el cielo e contra ti. Mi no mèrito mia esser ciamà to fiol.’ 22 Ma el pare el ga dito ai so schiavi: ‘Svelti! Porté in qua e meteghe su la meio roba longa che ghen’è. E meteghe un anel nela man e sandàlie nei pié. 23 Anca porté in qua quel vedel gordo e copelo. Ndemo magnar e far festa, 24 parché questo me fiol l’era morto e adesso lu l’è tornà a viver. Lu l’era perso e l’è stà catà.’ E i ga scominsià a far festa.