Nùmeri

27 Le ze vegneste le fiole de Zelofeade che le gavea nome Maala, Noa, Ogla, Milca e Tirza. Zelofeade l’era fiol de Èfer, fiol de Gileade, fiol de Machir, fiol de Manassè, dele fameie de Manassè, fiol de Giusepe. 2 Lore le ze restade davanti a Moisè, de Eleazar, el sasserdote, dei paroni de tribo e de tuto el pòpolo ala entrada dela tenda de riunion, e le ghe ga dito: 3 “Nostro pare l’è morto nel deserto, ma lu no l’era mia intrà de quei che i se ga metesto contra Geovà, che i era dela banda de Corà. Invesse, lu l’è morto par causa del so pròpio pecato e no’l ga mia bio fioi òmini. 4 Parché che el nome del nostro pare el gavaria de esser tirà via dela so fameia sol parché no’l ga mia bio un fiol omo? Dane una tera intrà i fradei del nostro pare.” 5 Cossita, Moisè el ga parlà a Geovà sora la so situassion. 6 Alora Geovà el ga dito a Moisè: 7 “Le fiole de Zelofeade le ga rason. Ciapa una eransa intrà i fradei de so pare e daghe a lore la eransa de so pare. 8 E dighe ai israeliti: ‘Se un omo el more e no’l ga mia bio fioi, la so eransa la gavarà de esser dela so fiola. 9 Se lu no’l ga gnanca una fiola, gavé de darghe la so eransa ai so fradei. 10 Se lu no’l ga mia fradei, gavé de darghe la so eransa ai fradei de so pare. 11 E, se el so pare no’l ga mia fradei, alora gavé de darghe la so eransa al so parente pi pròssimo, e la eransa la sarà soa. Questa dessision la sarà una lege par i israeliti, pròpio come Geovà el ga mandà Moisè far.’” 15 Alora, Moisè el ga dito a Geovà: 16 “Geovà, el Dio del spìrito de tute le persone, scoli par el pòpolo un omo 17 che el ndarà davanti de lori e che el ndarà guidarli. Cossita el pòpolo de Geovà no’l restarà come piégore sensa pastor.” 18 Par quela, Geovà el ga dito a Moisè: “Ciama Giosuè, fiol de Nun, che l’è un omo brao, e meti la to man sora lu. 19 Te ghè de farlo restar in pié davanti de Eleasar, el sasserdote, e davanti de tuto el pòpolo, e te ghè de mandarlo come lìder davanti de tuti lori. 20 Te ghè de darghe una parte dela to autorità, cossita tuto el pòpolo de Israel el ndarà scoltarlo.