1 Timòteo

2 par Timòteo, un vero fiol nela fede: Che te gàpia la maraveiosa bontà, la misericòrdia e la pace de Dio, el pare, e de Cristo Gesù, nostro Signor. 4 par nò darghe atension a stòrie false e a genealogie. Queste robe no le val gnente ma sol le porta far question par investigassion invesse a portar qualcossa che Dio dà par far pi forte la fede. 5 Par dirla giusta, son drio parlarve queste robe parché go caro che valtri gavé el amor che vien de un cuor puro, de una bona cossiensa e de una vera fede. 11 e questo l’è de acordo cole gloriose bone notìssie del Dio felice, de quele che son stato designà a proclamar. 12 Mi ringràssio a Gesù Cristo, nostro Signor, che el me ga dato poder. Mi lo ringràssio parché el se ga fidà in mi e el me ga dato un laoro par far, 13 ancora che mi bestemesse contra Dio, perseghisse el so pòpolo e no lo rispetesse. Ma lu el me ga mostrà misericòrdia parché mi no savea quel che mi ero drio far e no gavea fede. 14 El nostro Signor el me ga mostrà pròpio tanto la maraveiosa bontà e el me ga anca dato fede e el amor che el vien de Gesù Cristo. 15 Tuti i pol creder e esser sicuri che Cristo Gesù l’è vegnesto al mondo par salvar pecadori. Dei pecadori, mi son el pedo. 17 El Rè dela eternità, che no’l pol morir, che no se pol vederlo, el ùnico Dio, el ga de ricever la glòria e el onor par sempre. Amen. 18 Mi dao questa istrussion a ti, me fiol Timòteo, de acordo cole professie che le ze state fate sora ti. Cossita, de acordo con lore, seita lotar come un bon soldà. 19 Intanto che te loti, gàpia sempre una forte fede e una bona cossiensa, che arquanti i la ga rovinà come un navio che el ga sfondà.