Salmi

4 Parché la parola de Geovà la ze la verità. Tuto quel che lu el fà l’è de fidarse. 5 Lu el ama la integrità e la giustìssia. El to amor leal el ga impienio tuta la tera. 6 Par meso dela parola de Geovà el cielo l’è stà fato, e par meso del so spìrito l’è stà fato tuto quel che ghen’è nel cielo. 9 Parché lu el ga parlà e tuto l’è stà fato. Lu el ga dato la òrdine e tuto l’è restà firme. 12 Felice la nassion che el so Dio l’è Geovà, El pòpolo che el ga scoliesto come la so eredità. 18 Scolté! I oci de Geovà i varda sora quei che i lo teme, quei che i speta el so amor leal, 19 par salvarli dela morte e par mantegnerli vivi nel tempo dela fame. 20 Noantri spetemo in Geovà. Lu el ne giuta e l’è el nostro scudo. 21 L’è lu quel che el fà el nostro cuor contento, parché se fidemo nel so santo nome. 22 Che el to amor leal el sìpia sora noantri, ò Geovà, parché l’è in ti che spetemo.