Salmi

14 Go bio dificoltà tuto el giorno, mi ero castigà tute le matine. 15 Ma, se mi gavesse dito queste robe, mi gavaria tradio el to pòpolo. 16 Quando go proà capir tuto questo, l’è stato tanto fadiga par mi. 17 Ma dopo che son ndato rento del grandioso santuàrio de Dio, go capio el futuro de lori. 18 Sicuro che ti te li meti nte un posto che sbrìssia, cossita lori i ndarà cascar e i sarà destruti. 19 Presto lori i sarà finidi fora! De colpo lori i sarà destruti de una maniera tanto bruta! 22 Mi no era bon de pensar e gnanca de capir gnente, come una bèstia davanti de ti, che no la sa gnente. 23 Ma adesso mi son sempre con ti. Ti te me ghè ciapà par la man drita. 24 Ti te me insegni par meso dei to consili, e te vè mostrarme la to aprovassion. 25 Nel cielo, ti te sì la persona pi importante par mi. E anca nela tera, l’è sol a ti che mi vui. 26 El me corpo e el me cuor i pol restar fiachi, ma Dio l’è un grando sasso che el tien firme el me cuor e lu l’è tuto quel che go de bisogno par sempre. 27 Parché, i morirà i medèsimi che se mantien distante de ti. Sicuro che i va taser tuti quei che te abandona in imoralità. 28 Ma quel che penso l’è che rivar pi darente de Dio l’è bon par mi. Go catà protession con ti, Sovrano Signor Geovà, par parlar de tute le robe che te fè.