Génesi

17 Quando Abron el gavea 99 ani, Geovà l’è vegnesto fin Abron e el ghe ga dito: “Mi son el Dio Tuto poderoso. Camina davanti de mi e sìpia obedienti a mi in tuto. 2 Mi vao far un acordo con ti e vao far che i to dissendenti i sìpie tanti. 3 Alora, Abron el se ga indenocià cola fàcia par tera, e Dio el ga seità a parlarghe: 4 “Varda, mi go fato un acordo con ti, e sicuro che ti te deventarè pare de tante nassion. 5 El to nome no’l sarà pi Abron, ma el sarà Abraon, parché mi te farò pare de tante nassion. 6 Mi vao far che i to dissendenti i sìpie tanti, ti te sarè pare de tante nassion e intrà i to dissendenti ghen sarà rè. 15 Alora Dio el ga dito a Abraon: “E la to sposa Sarai, no te ghè de ciamarla Sarai, parché el so nome el sarà Sara. 16 Mi la benedirò e ela la te darà un fiol par meso de ela; mi la benedirò, e vegnarà fora nassion de ela; e ghen sarà rè intrà i so dissendenti.”