Mateo

15 Quando i sacerdoti e i scribi i vedea le cose maraveiose che lu el fea e i tosatei che i clamea nel témpio e i disea: “Salva, suplichemo, el Fiol de Davi!” I deventea inrabiadi 16 e i ghe disea: “Te scolti cossa i ze drio dir?” Gesù ga dito a lori: “Si. Te ghè mai lesesto questo: ‘Dela boca dei tosatei e dei bambini che beve late ga de vegner el lode’?” 19 El ga visto un figher drio la strada e l’è ndato fin lì, ma no’l ga catà gnente, sol foie. El ghe ga dito: “Mai pi te darè qualche fruto.” E el figher el se ga suito secà. 20 Quando i so dissìpoli i ga visto questo, i ze restadi maraveiadi e i ga dito: “Come che questo figher el se ga suito secà cossita?” 21 Gesù el ghe ga rispondesto: “Mi ve digo la verità: Se valtri gavé fede e no sì mia in dùbio, nò sol ndaré far quel che go fato al figher, ma anca se valtri disé a questo monte: ‘Vien su e bùtete nel mar’, questo el ndarà suceder. 22 E tuto quel che domandé in orassion, se gavé fede, ndaré ricever.”