1 Corinti

16 Se son drio predicar le bone notìssie, no l’è motivo par pensar che son meio dei altri, parché l’è una roba che me toca far. Alora, guai de mi se no predico le bone notìssie! 17 Se predico de volentiera, go una ricompensa. Ma anca se lo fao sensa voia, l’è una responsabilità che go ricevesto. 19 Anca se son un omo lìbero, me go fato schiavo de tuti, par guadagnar el pi grando nùmero de persone che se pol. 20 Par i giudei, son deventà come giudeo, par guadagnar i giudei. Par quei soto la lege, son deventà soto la lege, anca se mi no son soto la lege, par guadagnar quei soto la lege. 22 Par i fiachi son deventà fiaco, par guadagnar i fiachi. Son deventà tute le cose par persone de tuti i tipi, par de tute le maniere salvar arquanti. 23 Ma fao tuto par le bone notìssie, par spartirle coi altri. 25 Tuti quei che i partissipa nte una competission i dimostra autocontrolo in tute le robe. Lori i fà questo par ricever una corona che la se rovina, ma noantri, una che no la se rovina. 26 Alora, mi no coro sensa saver ndove mi vui rivar. Mi scolio ndove mi vui darghe pugni par no dargheli par ària. 27 Mi ghe dao bote nel me corpo e lo go come un schiavo. Cossita, mi seito far questo anca dopo de predicar ai altri, par no perder la aprovassion de Dio.