Ati dei Apòstoli

4 Mi go perseghio i seghidori de questa Strada de Dio. Mi lighea e metea in preson òmini e done, e arquanti i ze fin morti. 6 “Ma, al viaiar, intorno de meso di, quando ero drio rivar darente de Damasco, de colpo una granda luce vegnesta del cielo la ga slusà intorno de mi. 7 Mi son cascà in tera e go scoltà un voce che la me disea: ‘Saulo, Saulo, parché che ti te sì contra mi?’ 8 Mi go rispondesto: ‘Sito chi ti?’ E lu el me ga dito: ‘Mi son Gesù, el nasareno, quel che te sì drio perseghir.’ 12 “Alora, Anania, un omo che gavea tanto rispeto par Dio e par la Lege e che tuti i giudei i parlea ben de lu 13 l’è vegnesto catarme. Lu el me ga dito: ‘Saulo, me fradel, torna a vederghe.’ In quela ora, son tornà a vederghe e lo go visto. 14 Lu el ga dito: ‘El Dio dei nostri antenati el te ga scoliesto par farte saver quel che lu el vol far, par veder quel che l’è ciamà Giusto e par scoltarlo. 15 Cossita, te ndarè parlar a tute le persone sora quel che te ghè visto e che te ghè scoltà. 16 E adesso, cossa che te si drio spetar? Leva su, batésate e lava i to pecadi par invocar el nome de lu.