Ati dei Apòstoli

25 Alora, lu l’è ndato a Tarso par ndar in serca de Saulo. 26 Dopo che i lo ga catà, lo ga menà a Antiochia. Alora, nte un ano, lori i se ga riunio cola congregassion e i ga insegnà a tante persone. E l’è stà in Antiochia che i dissìpoli, par la volontà de Dio, i ze stati ciamadi de cristiani par la prima volta. 27 In quei giorni, arquanti profeti i ze ndati do de Gerusalen fin Antiochia. 28 Un de lori, de nome Àgabo, el se ga levà su e el ga profetisà, par meso del spìrito santo, che una granda fame la ndaria vegner sora tuta la tera. E questo ga pròpio sucedesto nel tempo de Claudio. 29 Alora, de acordo con quel che cada un el podea, i dissìpoli i ga dessidio mandar ai fradei dela Giudea quel che i gavea de bisogno. 30 E i ga fato cossita. Lori i ga mandà quel aiuto ai ansiani, par meso de Barnabè e de Saulo.