Apocalisse
2 Mi go visto un caval bianco. El so cavaliero el gavea un arco. Lu el ga ricevesto una corona, e lu l’è ndà via par vinser e completar la so vitòria. 3 Quando lu el ga verto el secondo selo, go scoltà el secondo cherubin dir: “Vien!” 4 E l’è ndà fora nantro caval, col color de fogo. El cavaliero el ga ricevesto el poder de cavar la pace dela tera, parché i òmini i se copasse un al altro, e lu el ga ricevesto una granda spada. 5 Quando lu el ga verto el terso selo, go scoltà el terso cherubin dir: “Vien!” E go visto un caval negro. E el cavaliero el gavea una balansa nela man. 6 In meso dei quatro cherubini go scoltà una voce, che la disea: “Un litro de formento par un denàrio e tre litri de sevada par un denàrio. No stà far dano al oio e al vin.” 7 Quando lu el ga verto el quarto selo, go scoltà el quarto cherubin dir: “Vien!” 8 E go visto un caval sensa color; e el so cavaliero l’era ciamà de Morte. E el Sepolcro el ndea de drio ben darente. E i ga ricevesto autorità sora la quarta parte dela tera, par copar con una spada longa, cola fame, cole praghe che copa e cole bèstie dela tera. 10 E i ga dito in alta voce: “Fin quando, Sovrano Signor Geovà, santo e vero, te vè spetar par giulgar quei che i ze de star nela tera e vingarse de quei che i ne ga copà?” 15 Alora, i rè dela tera, le persone importante, i comandanti militari, i siori, i forti, tuti i schiavi e tute le persone lìbere i se ga sconti nele caverne e intrà i grandi sassi dei monti. 16 I disea ai monti e ai grandi sassi: “Vegné sora noantri par scónderne dela fàcia de Quel che l’è sentà nel trono e dela ràbia del Piegoreto, 17 parché l’è rivà el grando giorno del so furor, e chi che pol star in pié?