Tiago

8 Se valtri obedì ala lege real, de acordo cole Scriture: “Te ghè de amar el to pròssimo come a ti stesso”, valtri sì drio far una roba bona. 10 Alora, se qualchedun el obedisse a tuta la Lege, ma no’l obedisse a un sol comandamento, lu no’l obedisse ala Lege intiera. 11 Parché, quel che el dise: “No stà far imoralità sessual”, el dise anca “No stà copar”. Ma se alora no te fè imoralità sessual ma te copi, te sì deventà un che no obedisse ala Lege. 12 Seité a parlar e a comportarve come persone che le sarà giudicade par meso dela lege de un pòpolo lìbero. 13 Parché quel che no’l dimostra misericòrdia, el sarà giudicà sensa misericòrdia. La misericòrdia la ze superior al giulgamento. 14 Me fradei, cossa serve se qualchedun el dise che el ga fede ma no la dimostra cole òpere? Questa fede no la pol mia salvarlo, no l’è mia vera? 15 Se un fradel o una sorela no i ga robe de vestir e de magnar che basta par el giorno, 16 serve par cossa se qualchedun de valtri ghe dise: “No stà preocuparte de gnente. Speto che te catarè robe de vestir e de magnar”, ma no’l ghe dà quel che el ga de bisogno par viver? 17 Cossita anca la fede, se no la dimostremo cole òpere, la ze morta. 18 Ma qualchedun el dirà: “Ti te ghè fede e mi fao òpere. Mostrame la to fede sensa òpere, e mi te mostrarò la me fede par meso dele me òpere”. 19 Ti te credi che ghen’è sol un Dio? Te fè ben. Ma anca i demoni i crede e i trema de paura. 20 Ma, insensato, gheto bisogno de prove che le dimostre che la fede sensa òpere no la serve par gnente? 21 No l’è mia vera che el nostro pare, Abraon, l’è stà considerà giusto par via de quel che el ga fato, dopo che lu el ga oferesesto so fiol Isache nel altar? 22 L’è sicuro che Abraon el ga dimostrà la so fede cole so òpere e la so fede la ze deventada completa par via de quel che el ga fato. 23 Cossita se ga realisà la Scritura che la dise: “Abraon el ga bio fede in Geovà e l’è stà considerà giusto”, e lu l’è stà ciamà amigo de Geovà. 24 Come podé veder, una persona la ze giusta par via dele so òpere e nò par via sol dela so fede. 25 Dela medèsima maniera, anca Raabe, la prostituta, la ze stata considerada giusta par via de quel che la ga fato. Ela la ga ricevesto i messageri con ospitalità e li ga fati ndar via par nantra strada. 26 L’è pròpio vera: come che un corpo sensa spìrito l’è morto, cossita anca la fede sensa òpere la ze morta.