Tiago

7 Alora fradei, gàpie passiensa fin che el Signor el rive. El laorador el speta i fruti pressiosi che i vegnarà, e el speta con passiensa le prime e le ùltime piove. 8 Anca valtri gavé de ver passiensa e far pi forte el vostro cuor, parché el Signor l’è drio rivar. 10 Fradei, sora soportar sofrimento e gaver passiensa, imparé col esémpio dei profeti, che i parlea come rapresentanti de Geovà. 11 Vardé, noantri disemo che quei che i ga perseverà i ze felici. Valtri gavé scoltà sora la perseveransa de Giò e savé dele benedission che Geovà el ghe ga dato. Valtri gavé visto che Geovà el ga tanto amor e misericòrdia. 12 Ancora pi importante, me fradei, ferméve de giurar, sìpia par el cielo o par la tera, e ferméve de far qualche altro giuramento. Ma che el vostro sì el sìpia si e el vostro nò el sìpia nò. Cossita valtri no sarè mia giulgadi. 13 Ghen’è qualchedun che l’è drio sofrir intrà de valtri? Che el seite a pregar. Ghen’è qualchedun che l’è contento? Che el cante salmi. 14 Ghen’è qualchedun malà intrà de valtri? Che el ciame i ansiani dela congregassion e che lori i preghe a Dio sora questo, e che i meta òio sora lu in nome de Geovà. 15 E la orassion fata con fede la farà el malà restar meio, e Geovà lo farà forte nantra volta. E se lu el ga fato pecati, el sarà perdonà. 16 Alora, gavé de confessar de cuor i vostri pecati un al altro e pregar un par el altro. Cossita, valtri saré guaridi. La sùplica de una persona che la fà quel che l’è giusto la ga tanto poder. 17 Elia l’era un omo che el gavea sentimenti compagni dei nostri. Ma quando el ga pregà de tuto el cuor che no piovesse, no ga piovesto in quela tera par tre ani e sei mesi. 18 E quando lu el ga pregà nantra volta, l’è vegnesto do piova del cielo e la tera la ga produsio fruti. 19 Me fradei, se un de valtri abandona la verità e qualchedun lo giuta a tornar, 20 quel che lo ga giutà a tornar indrio e assar la strada sbaliada lo salvarà dela morte e anca lo giutarà a gaver el perdon dei so pecati.