Mateo

5 O no gavé ledesto nela Lege che i sasserdoti nel témpio no i obedisse ala lege del sabo, ma ancora cossita i ze scusadi? 6 Ma mi ve digo che ghen’è qualchedun qua che l’è pi importante che el témpio. 7 Se valtri gavessi capio quel che ghe vol dir ‘Vui misericòrdia, e nò sacrifìssio’, no gavarissi condanà i inossenti. 8 Parché el Fiol del omo l’è Signor del sabo.” 11 Metemo dir che gavé una piégora e la casca nte un buso nel sabo. Ndé mia ciaparla e tirarla fora de lì? 12 Un omo el val tanto de pi che una piégora! Par quela, se pol far una roba bona nel sabo.” 13 Alora el ga dito al omo: “Stira la man.” Lu la ga stirada, e Gesù la ga guarida, e la ze restada sana come quel’altra. 17 Cossita, ga sucedesto quel che l’è stà dito par meso del profeta Isaia: 18 “Eco el me servo, quel che go scoliesto, el amà e che el ga la me aprovassion! Meterò el me spìrito sora lu, e lu el farà saver ale nassion cossa che la ze la giustìssia. 19 Lu no’l ndarà far discussion gnanca el osarà. E nissuni scoltarà la so voce nele strade prinsipai. 20 Lu no’l ndarà schissar una cana che la ze belche rota, gnanca el ndarà smorsar un stupin che l’è ancora drio far fumassa, fin che el porte la giustìssia. 21 Le nassion le gavarà speransa in lu.” 36 Mi ve digo che, nel Di del Giulgamento, i òmini i gavarà de risponder par tute le parole sensa valor che i ga parlà. 37 Alora, par causa dele vostre parole saré ciamadi giusti e par causa dele vostre parole saré condanadi.” 38 Alora, arquanti istrutori dela lege e farisei i ga dito: “Istrutor, volemo veder un segnal che el prove quel che te disi.” 39 E lu el ghe ga rispondesto: “Una generassion sensa fede e rugna la ze sempre in serca de un segnal, ma gnanca un segnal ve sarà dato, sol quel de Giona, el profeta. 40 Cossita come Giona l’è restà tre giorni e tre note nela pansa del grando pesse, anca el Fiol del omo el ndarà restar tre giorni e tre note nel sepolcro. 41 Nel giulgamento, i òmini de Nìnive i sarà ressussitadi insieme a questa generassion e i ndarà condanarla parché lori i se ga ciamà grami con quel che Giona el ga predicà. Ma adesso, una persona pi importante che Giona la ze qua. 48 Gesù el ghe ga rispondesto: “Chi che la ze la me mare e chi che i ze i me fradei?” 49 El ga stirà la man ai so dissìpoli e el ga dito: “Eco qua la me mare e i me fradei! 50 Parché quel che el fà la volontà del me Pare, che l’è nel cielo, l’è me fradel, la me sorela e la me mare.”