Apocalisse

21 E go visto un novo cielo e una nova tera. El cielo che ghen’era vanti e la tera che ghen’era vanti no ghen’è pi, e el mar no ghen’è pi. 2 Go anca visto la cità santa, la Nova Gerusalen. Ela la ze drio vegner do del cielo e la vien de Dio. Ela la se ga parecià come una noiva che la se fà bela par el so omo. 3 Alora, go sentio una alta voce del trono: “Varda! La tenda de Dio la ze cola umanità. Lu el ndarà de star insieme con lori, e lori i sarà el so pòpolo. Dio el sarà insieme con lori. 4 Lu el sugarà tute le làgrime dei so oci, e no ghen sarà pi la morte, gnanca pi tristessa, gnanca piander, gnanca dolor. Le robe che ghen’era vanti no ghen’è pi.” 5 Quel che l’era sentà nel trono el ga dito: “Varda! Son drio far nove tute le robe.” Lu anca el ga dito: “Scrivi, parché queste parole le ze fedele e vere.” 8 Ma quei che i ga paura, quei che no i ga fede, quei che i fà robe sporche e schifose, quei che i copa, quei che i fà imoralità sessual, quei che i pratica spiritismo, quei che i adora ìdoli e tuti i busieri i sarà mandadi par el lago che brusa con fogo e sùlfaro. Questo lago vol dir la seconda morte.