Giuda

1 Mi, Giuda, schiavo de Gesù Cristo e fradel de Tiago, scrivo par valtri, quei che Dio, el Pare, el ga ciamà e che el ama, e che i riceve protession par star con Gesù Cristo: 3 Me cari, mi ero drio sforsarme tanto par scriver a valtri sora la salvassion che benefissia a tuti noantri. Ma mi go visto che ghen’era bisogno de incoraiarve a lotar con tuta la vostra forsa par la fede che la ze stata data ai santi una volta par sempre. 4 Fao questo parché arquanti òmini i se ga metesto intrà de valtri. Fà tanto tempo che le Scriture le dise che i saria condanadi. Lori i ze òmini che no i rispeta a Dio, che i dopera la maraveiosa bontà de Dio come una scusa par far robe sbaliade e che no i ze leai al nostro ùnico paron e Signor, Gesù Cristo. 6 E i àngeli no i se ga mantegnesti nela so possission original, ma i ga abandonà el so posto giusto de star, e li ga metesti in cadene par sempre nela profonda scuridon, par el giudìssio del grando giorno. 9 Mighel, el arcàngelo, no l’è restà de acordo col Diaol nela discussion sora quel che saria fato col corpo de Moisè. Anca cossita, no’l se ga gnanca riscià de condanarlo con brute parole, ma el ga dito: “Geovà el te giulghe.” 12 Questi òmini i ze come sassi sconti soto la àqua intanto che i magna insieme a valtri nele vostre feste de amor. I ze come pastori che i magna sensa timor, come nùvole sensa àqua, che el vento el porta par de qua e par de là. I ze come piante sensa fruti nel fin del otono, che le ze morte del tuto e cavade via par la radisa. 14 El sètimo omo nela genealogia de Adon, Enoche, el ga profetisà anca sora lori quando el ga dito: “Vardé! Geovà l’è vegnesto coi so miliari de àngeli 15 par giulgar a tuti e condanar tuti i rugni par tute le robe rugne che i ga fato e par tute le robe brute che i pecadori rugni i ga parlà contra lu.” 16 Questi òmini i ze sbrontoloni, i se lamenta dela so vita e i va drio dele so voie. Lori i parla robe par sprosiarse e i loda massa i altri par gaver vantaio. 20 Ma valtri, me amadi, resté pi forti sora la vostra santìssima fede, e assé che el spìrito santo el guide le vostre orassion. 21 Cossita, seité nel amor de Dio, intanto che speté la misericòrdia del nostro Signor Gesù Cristo che la porta la vita eterna. 24 Dio el pol giutarve a no cascar nte un pecato, e a farve restar in pié con granda alegria e sensa difeto davanti dela so glòria. 25 Lu l’è el ùnico Dio, el nostro Salvador par meso de Gesù Cristo, nostro Signor. Lu el mèrita esser el Sovrano e ricever la glòria, el poder e la autorità par tuta la eternità: vanti, adesso e par sempre. Amèn.