2 Piero

4 Dio no’l ga perdonà i àngeli che i ga pecà, ma li ga metesti in cadene nel Tàrtaro, nela profonda scuridon, e i ze drio spetar el so giulgamento. 5 Lu anca no’l ga assà de condanar un mondo che ghen’era nel passà. Ma quando el ga mandà el dilùvio sora un mondo de gente rugna, el ga salvà Noè, un predicador dela giustìssia, insieme con altri sete. 9 Alora, Geovà el sa salvar dela provassion quei che i ga devossion a Dio, ma el riserva i ingiusti par esser destruti nel di del giulgamento. 10 Ancora de pi quei che i vol far imoralità sessual con altri e che no i rispeta quei che i ga autorità. Lori no i ga mia rispeto, i ze testardi e no i ga paura de parlar mal contra i gloriosi. 11 Invesse, i àngeli, anca se i ga pi forsa e pi poder, ma no i ghe dise su parché i rispeta a Geovà. 12 Ma questi òmini i ze come bèstie parché no i pensa in quel che i fà. Lori i ze vegnesti al mondo par esser destruti. Lori i parla contra quel che gnanca no i cognosse. Lori i ndarà esser destruti par via de quel che i fà. 19 Lori i promete libertà, ma lori stessi i ze schiavi de quel che l’è sbalià. Parché, una persona la deventa schiava de quel che la vinse.