Ebrei

13 Seité mostrarve amor come quel de fradei. 2 No sté desmentegarve de ricever ben i altri, parché ghen’è stà persone che le ga fato cossita e sensa che le savesse le ga ricevesto àngeli. 3 Ricordeve de quei che i ze in preson, come se valtri fussi in preson insieme. E ricordeve de quei che i ze maltratadi, parché anca valtri sì nte un corpo. 4 Che tuti i gàpia rispeto par el matrimònio, e che i maridadi i sìpie fedeli un al altro, parché Dio el giudicarà quei che i fà imoralità sessual e i adùlteri. 5 La vostra maniera de viver la ga de mostrar che no amé mia i soldi. Sté contenti cole robe che valtri gavé. Parché lu el ga dito: “Mi mai vao assarte e mai vao abandonarte.” 6 Cossita, podemo parlar con tuto el coraio: “Geovà l’è quel che me giuta, no gavarò mia paura. Cossa che pol farme i òmini?” 7 Ricordeve de quei che i ve lidera, che i ve ga parlà dela parola de Dio, e, quando vedé i boni resultadi par causa de quel che i fà, fé compagno ala so fede. 8 Gesù Cristo l’è el medèsimo de gieri, de ancoi e lo sarà par sempre. 9 No stè mia assar che insegnamenti strani e difarenti i ve porte via, parché l’è meio che el vostro cuor el sìpia fato pi forte par meso dela maraveiosa bontà de Dio e nò par meso dele lege sora el magnar, che no le porta benefìssi a quei che i se preocupa de seghir queste lege. 15 Par meso de lu, ndemo dar sempre a Dio un sacrifìssio de lode, o sia, ndemo proclamar el so nome come se fusse fruti dei nostri lavri. 16 Anca, no sté desmentegarve de far el ben e de spartir coi altri quel che gavé, parché questi sacrifissi ghe piase a Dio. 17 Valtri gavé de obedir a quei che i lidera intrà de valtri e gavé de rispetar la autorità de lori, parché lori i ze drio tender de valtri e i sa che i ndarà risponder par quel che i fà. Cossita, lori i ndarà far el so laoro con alegria e nò con disgusto, parché questo no saria mia bon par valtri. 18 Seité a orar par noantri, parché semo sicuri che gavemo una bona cossiensa, cossita come volemo esser onesti in tute le cose. 20 Che el Dio de pace, che col sangue de un acordo eterno el ga ressussità dei morti el grando pastor dele piégore, el nostro Signor Gesù, 22 Fradei, mi volaria che valtri scoltessi con passiensa queste parole, parché ve go scrito una pìcola carta par darve coraio.