Apocalisse

3 “Scrivi al àngelo dela congregassion de Sardes cossita: Quel che el ga i sete spiriti de Dio e le sete stele el dise: ‘Mi sò quel che te sì drio far e anca sò che par che te sì vivo, ma te sì morto. 2 Stà atento e fà pi forte quel che ancora te ghè e che l’era drio morir. Parché mi go visto che quel che te fè no l’è quel che basta davanti del me Dio. 3 Alora, no stà mai desmentegarte de quel che te ghè ricevesto e che te ghè scoltà. Seita a pensarghe sora e ciàmate gramo. Se no te te desmissi, sicuro che mi ndarò vegner come un ladron, e no te savarè pròpio la ora che ndarò vegner. 15 ‘Mi sò quel che te sì drio far e che no te sì fredo e gnanca caldo. Me piaseria che te fussi fredo o caldo. 16 Ma te sì tèpido. No te sì caldo gnanca fredo. Par quela, vao gomitarte dela me boca. 17 Ti te disi: “Son sior, go imucià tante robe e no me ocore gnente.” Ma no te te nicordi che te sì un poro omo, infelice, poareto, orbo e nudo. 22 Quei che i ga récie che i scolte quel che el spìrito el dise ale congregassion.’”