Marco

9 Ma valtri, sté atenti. Le persone le ve menarà ai tribunai, i ve darà bote nele sinagoghe, e i ve menarà davanti a governanti e a rè par causa de mi. Cossita se darà testimònio a lori. 10 Anca, in tute le nassion, le bone notìssie le ga de esser predicade prima. 26 E alora, lori i vederà el Fiol del omo vegner nele nùvole, con grando poder e glòria. 27 ...lu el mandarà i so àngeli e el meterà insieme i so scolidi, dei quatro venti, dela estremità dela tera fin ala estremità del cielo. 29 Cossita, quando vedaré che sucede queste robe, savé che lu l’è ben darente, nela porta. 32 “Sora quel di e quela ora, nissuni i sa, gnanca i àngeli nel cielo, gnanca el Fiol, ma sol el Pare el sa. 33 Resté atenti e seité desmissiadi, parché valtri no savé quando el tempo marcà el rivarà. 34 L’è come un omo che el ga viaià par nantro paese. Lu el ga assà la casa e el ga dato responsabilità ai so schiavi. El ghe ga dato un laoro a cada un, e el ga dito al portero che el restesse atento. 35 Alora, resté atenti, parché valtri no savé quando el paron dela casa el vegnarà. Pol esser che el vegnarà tardi de sera, o ala mesa note, o vanti de sciarar el di o de matina bonora. 36 Cossita, quando el vegnarà de colpo, lu no’l ve catarà drio dormir. 37 Ma quel che ve digo, lo digo a tuti: Resté atenti.”