1 Timòteo

6 L’è sicuro che servir a Dio l’è de grando benefìssio quando restemo contenti con quel che ghemo. 7 Infati, no ghemo portà gnente al mondo e no podemo portar via gnente. 8 Alora, se ghemo de magnar e robe de vestir, semo contenti con queste robe. 9 Ma quei che i ga tanta voia de deventar siori i casca in tentassion, in tràpola e in tante voie stùpide e che ghe fà dano. Questo fà i òmini sfondarse in destrussion e rovina. 10 Parché el amor ai soldi l’è la radisa de tuti i tipi de cose pregiudissiai, e arquanti par ndar in serca de questo, i ze stati desviadi dela fede e i ga causà tanti sofrimenti a lori stessi. 15 El Rè de quei che i governa come rè e el Signor de quei che i governa come signori 17 Parla a quei che i ze siori ancoi che no i sìpie aroganti e che no i gàpia la speransa nele richesse che le pol finirse suito, ma in Dio, che el dà a noantri tante robe che le ne fà contenti. 18 Dighe par far tante robe bone ai altri, par esser generosi e pronti par spartir quel che lori i ga coi altri, 19 imuciando par lori stessi sicuramente un bon fondamento par el futuro. Cossita lori i se tegnerà firmi ala speransa dela vera vita. 20 Timòteo, stà mia abandonar quel che te ghè ricevesto de Dio. No stà scoltar le ciàcole che le va contra Dio e idee dele persone che le pensa che le ga la cognossensa, ma che la va contra la verità.