2 Timòteo

3 Ma te ghè de saver che nei ùltimi giorni ghen sarà tempi crìtichi, difìcili de soportar. 2 Parché le persone le amarà sol lore stesse, le amarà i soldi, le sarà orgoliose, arogante, bestemadore, desobediente ai genitori, ingrate, sensa lealtà, 3 sensa afeto natural, no le sarà disposte a far acordi, le sarà caluniadore, sensa autocontrolo, crudele, sensa amor a quel che l’è bon, 4 traditore, testarde, piene de orgòlio, le amarà i piaseri invesse de a Dio. 5 Le farà finta de adorar a Dio, ma la so maniera de viver la dimostrarà che no lo fà. Stà lontan de lore. 10 Ma te ghè seghio del bon i me insegnamenti, la me maniera de viver, el me ogetivo, la me fede, la me passiensa, el me amor e la me perseveransa. 11 Anca te sè dele persighission e i sofrimenti che go bio, come quei che go infrontà in Antiochia, Iconio e Listra. Mi go soportà queste perseghission, e el Signor el me ga salvà de tuto questo. 12 In fati, tuti quei che i vol viver una vita de devossion a Dio come dissìpoli de Cristo Gesù anca i sarà perseghidi. 13 Ma le persone che le ze rugne e che le imbroia i altri le deventarà cada volta pedo. Le seitarà a imbroiar e a esser imbroiade. 14 Alora, seita far quel che te ghè imparà e che i te ga fato esser sicuro che l’è vero, parché te cognossi quei che i te ga insegnà. 15 E de quando te eri toseto, te cognossi quel che l’è scrito nei libri sacri, che el pol darte el saver par esser salvo par meso dela fede in Cristo Gesù. 16 Tuta la Scritura la ze ispirada par Dio e la ze bona par insegnar, par coreger, par indrissar le cose e par dissiplinar con giustìssia. 17 Cossita el omo de Dio el sarà bon de far tuto, del tuto parecià par tuti i boni laori.