Gioani

15 “Mi son la vera vigna, e el me Pare l’è el laorador. 2 Lu el brusca tuti i cavi che i ze in mi che no i dà fruti. E lu el neta tuti i cavi che i dà fruti, cossita el pol dar ancora pi fruti. 3 Valtri sì belche neti, par causa dela parola che ve go dito. 4 Seité in union con mi, e mi vao seitar in union con valtri. Un cavo no’l pol dar fruto lu stesso sensa che el sìpia tacà nela vigna. Anca, valtri no podé mia dar fruto se no seité in union con mi. 5 Mi son la vigna e valtri sì i cavi. Quel che resta in union con mi e mi in union con lu, questo el dà tanto fruto. Parché sensa mi valtri no podé far gnente. 8 Questo el dà onor a me pare: che valtri seité in dar tanto fruto e mostré che sì i me dissìpoli. 9 Come el Pare me ga amà, mi ve go amà. Mantegneve nel me amor. 10 Se valtri obedì ai me comandamenti, ve amarò, cossita come mi obedisso ai comandamenti del Pare e lu el me ama. 12 Mi ve comando che amé un al altro come mi ve go amà. 13 Nissun el ga amor pi grando de quel che el dà la so vita par i so amighi. 14 Valtri sì me amighi se fé quel che mi ve comando. 15 No ve ciamo pi de schiavi, parché el schiavo no’l sa quel che el so paron el fà. Ma ve ciamo de amighi, parché ve go fato saver tuto quel che go scoltà me Pare dir. 17 “Mi ve dao el comandamento de amarve un al altro. 18 Se el mondo el ve òdia, valtri savé che el me ga odià prima. 19 Se valtri fussi come le persone del mondo, lore le ve amaria parché valtri saria come lore. Come valtri no sì come le persone del mondo e mi ve go scoliesto del meso de lore, le persone del mondo le ve òdia. 20 Ricordeve quel che ve go dito: un schiavo no l’è mia pi importante che el so paron. Se i ga perseghio a mi, i ndarà perseghir anca a valtri. Se i ga obedio a quel che mi go dito, i obedirà anca a quel che valtri ndaré dir.