Mateo

1 El libro dela stòria de Gesù Cristo, fiol de Davi, fiol de Abraon: 2 Abraon l’è deventà pare de Isache, Isache l’è deventà pare de Giacò, Giacò l’è deventà pare de Giudà e dei so fradei, 6 Giessè l’è deventà pare del rè Davi, Davi l’è deventà pare de Salomon par meso dela dona de Uria. 18 Ga sucedesto cossita el nassimento de Gesù Cristo: quando so mare, Maria, la era noiva de Giusepe, ela la ze restada gràvida par meso del spìrito santo, prima che i se maridesse. 19 Ma, come Giusepe, so omo, l’era giusto e no’l volea che Maria la passesse vergogna davanti de tuti, lu el volea divorsiarse de ela sconto dei altri. 20 Ma, dopo de pensar de far queste robe, el àngelo de Geovà ghe ga capità quando lu l’era drio insognarse. Lu el ghe ga dito: “Giusepe, fiol de Davi, no stà gaver paura de menar casa Maria, to dona, parché el fiol che la ze drio spetar l’è par meso del spìrito santo. 21 Ela la gavarà un fiol, e te ghè de darghe nome Gesù, parché lu el salvarà el pòpolo dei so pecati.” 22 Tuto questo ga sucedesto par realisar quel che Geovà el gavea belche dito par meso del so profeta: 23 “Eco! La vèrgine la sarà gràvida e la gavarà un fiol e i ghe darà nome Emanuel”, che vol dir “Dio l’è con noantri”. 24 Alora Giusepe el se ga desmissià e el ga fato de acordo con quel che el àngelo de Geovà el ghe gavea dito, e el ga menà casa so dona. 25 Ma no’l ga bio relassion con ela fin che la ga bio so fiol, e el ghe ga dato nome Gesù.