Luca

3 Quando Tibèrio Cesar el governea fea 15 ani, intanto che Pónsio Pilato el governea la Giudea, Erode el governea la region dela Galilea, el so fradel Filipe el governea la region dela Iturea e de Traconite, e Lisània el governea la region de Abilene, 2 nei giorni de Anàs, che l’era el sasserdote pi importante, e de Caifàs, Dio el ga parlà con Gioani, fiol de Zacaria, nel deserto. 3 Gioani l’è ndato par tuta la region intorno del rio Giordon. Lu el predichea che, col batésimo, le persone le mostraria che le se gavea ciamade grame e le podaria gaver el perdon dei pecati, 4 come el profeta Isaia el gavea scrito: “Qualchedun l’è drio osar nel deserto: ‘Parecié la strada par Geovà! Fé che le strade le sìpie drite. 5 Tuti i vali i ga de esser impienisti de tera e tuti i monti e montesei i ga de esser fati piani. Tute le strade le ga de esser fate drite e tute le strade con busi le ga de esser fate piane, 6 e tuti i vederà la salvassion che la vien par meso de Dio. 10 E la gente ghe domandea: “Alora, cossa ghemo de far?” 11 Lu el ghe rispondea: “Quel che el ga due robe de vestirse el ga de darghene una a quel che no ghen’à gnanca una. E quel che el ga qualcossa de magnar el ga de far la medèsima roba.” 12 Fin quei che i tol su imposti i ze ndati fin lu par batesarse, e i ghe ga domandà: “Istrutor, cossa ghemo de far?” 13 Lu el ghe ga dito: “No sté tor su de pi imposti de quel che ghe vol.” 14 Anca i soldadi i ghe domandea: “Cossa ghemo de far?” E lu el ghe disea: “No sté maltratar nissuni gnanca far acusassion false contra qualchedun, ma resté contenti con quel che guadagné.” 15 La gente la era contenta e premosa de saver se Gioani l’era el Cristo. 16 Gioani el ga dito a tuti: “Mi ve bateso con àqua, ma quel che el vien dopo de mi l’è pi forte che mi, e no son degno de cavarghe via le sandàlie. Lu el ve batesarà con spìrito santo e con fogo. 17 Lu el ga in man la so badila par spartir el formento dela paia, e el netarà del tuto el posto ndove lu el desgrana. El imuciarà el so formento nel paiol, ma el brusarà la paia nte un fogo che no’l pol esser smorsà.” 18 Gioani el dea anca tanti altri consili e el ga seità a predicar le bone notìssie ale persone. 21 Alora, dopo che tuti i ze stati batesadi, anca Gesù l’è stà batesà. Intanto che el preghea, el cielo el se ga verto, 22 e el spìrito santo l’è vegnesto do de maniera che se podea vederlo, come una colomba, e una voce la ga dito del cielo: “Ti te sì el me Fiol, che mi amo. Ti te ghè la me aprovassion.” 23 Gesù el ga scominsià el so laoro quando el gavea intorno de 30 ani. Come le persone le pensea, lu l’era el fiol de Giusepe, fiol de Eli, 24 fiol de Matate, fiol de Levi, fiol de Melchi, fiol de Gianai, fiol de Giusepe, 25 fiol de Matatia, fiol de Amòs, fiol de Naum, fiol de Esli, fiol de Nagai, 26 fiol de Maate, fiol de Matatia, fiol de Semei, fiol de Gioseche, fiol de Giodà, 27 fiol de Gioanan, fiol de Resa, fiol de Zorobabel, fiol de Sealtiel, fiol de Neri, 28 fiol de Melchi, fiol de Adi, fiol de Cosan, fiol de Elmadan, fiol de Er, 29 fiol de Gesù, fiol de Elièzer, fiol de Giorin, fiol de Matate, fiol de Levi, 30 fiol de Simeon, fiol de Giuda, fiol de Giusepe, fiol de Gionan, fiol de Eliachin, 31 fiol de Meleà, fiol de Mena, fiol de Matatà, fiol de Natan, fiol de Davi, 32 fiol de Giessè, fiol de Obede, fiol de Boaz, fiol de Salmon, fiol de Nason, 33 fiol de Aminadabe, fiol de Arni, fiol de Esron, fiol de Peres, fiol de Giudà, 34 fiol de Giacò, fiol de Isache, fiol de Abraon, fiol de Tera, fiol de Naor, 35 fiol de Serughe, fiol de Reù, fiol de Peleghe, fiol de Èber, fiol de Selà, 36 fiol de Cainan, fiol de Arpassade, fiol de Sen, fiol de Noè, fiol de Lameche, 37 fiol de Metusalen, fiol de Enoche, fiol de Giarede, fiol de Malaleel, fiol de Cainan, 38 fiol de Enos, fiol de Sete, fiol de Adon, fiol de Dio.