1 Piero

4 Come Gesù el ga patio nela carne, anca noantri ne toca gaver la stessa disposission, parché una persona che la patisse nela carne la ga assà indrio i so pecati. 2 E cossita no la vol pi viver de lì avanti nela carne par le voie dei òmini, ma par far la volontà de Dio. 4 Lori no i capisse parché valtri no ndé pi drio ala so maniera imoral de viver che la ze cada volta pedo. Alora lori i parla mal de valtri. 6 Infati, l’è par quela che le bone notìssie le ze state proclamade anca ai morti, parché, anca se i ze giudicadi par la so aparensa del punto de vista dei òmini, lori i viva de acordo col spìrito del punto de vista de Dio. 7 Ma el fin de tute le robe l’è darente. Alora, gavé de ver bon giudìssio e esser sempre pronti par far orassion. 8 Prinsipalmente, gàpie grando amor un par el altro, parché el amor el querze tanti pecati. 9 Gavé de esser ospitaleri un col altro, sensa sbrontolar. 10 Cada un el ga de doperar la abilità che Dio el ghe ga dato par servir ai altri. Cossita, valtri ndaré doperar ben la maraveiosa bontà che Dio el mostra de arquante maniere. 11 Se qualchedun el parla, che el fae questo come che parlando le proclamassion de Dio. Se qualchedun el serve, che el fae questo nela forsa che Dio el ghe dà. Cossita che Dio el sìpia glorificà in tute le robe par meso de Gesù Cristo. La glòria e el poder i ze de lu par sempre. Amen. 13 Invesse, seité a esser contenti intanto che sì drio patir par le medèsime rason che el Cristo. Parché anca valtri podé esser contenti e restar pieni de alegria quando lu el mostrarà la so glòria. 14 Se qualchedun el ve dise su parché sì seghidori de Cristo, valtri sì felici parché el spìrito de glòria, o sia, el spìrito de Dio, l’è sora valtri. 15 Che gnanca un de valtri el sofra parché l’è assassino, parché l’è ladron, parché l’è el fà el mal o parché el se mete nei assunti dei altri. 16 Ma, se qualchedun el sofre parché l’è un dissìpolo de Cristo, no’l ghe ocore gaver vergogna. Invesse, che el seite a dar glòria a Dio parché el porta questo nome.