Ésodo

39 Col fil asul, la lana viola e el fil scarlate, i ga fato veste ben fate, che le saria doperade par servir nel posto santo. I ga fato le veste sante par Aron, pròpio come Geovà el gavea dito a Moisè de far. 2 Bezalel el ga fato el èfode con oro, fil asul, lana viola, fil scarlate e un bon de un lin. 3 I laoradori i ga batesto el oro col martel par far plachete fine. Lu le ga taiade in fili par indressar col fil asul, la lana viola, el fil scarlate e un bon de un lin par bordar el èfode. 4 E lori i ga fato tirache che le passea par le spale par tegner el èfode, e le tirache le era tacade al èfode nele so due bande. 5 E el sinto bordà che l’era tacà al èfode e servia par tegnerlo nel so posto l’è stato fato cole medèsime robe: oro, fil asul, lana viola, fil scarlate e un bon de un lin, pròpio come Geovà el gavea dito a Moisè de far. 6 Dopo, i ga metesto i sassi de ónis rento el orlo de oro e i ga scrito nei sassi i nomi dei fioi de Israel, come se scrive nte un selo. 7 Lu le ga meteste nele tirache del èfode, che le era nele so spale, come una ricordassion par i fioi de Israel, pròpio come Geovà el gavea dito a Moisè de far. 8 Dopo, el ga fato el petoral come el èfode. El ga mandà qualchedun che el borda a farlo con oro, fil asul, lana viola, fil scarlate e un bon de un lin. 9 Quando che l’era dopià, el petoral el formea un quadrado longo un palmo e largo un palmo. 10 I laoradori i ga tacà nel petoral quatro righe de sassi. La prima riga la era de rubi, topàsio e smeralda. 11 La seconda riga la era de torchesa, safira e giaspe. 12 La tersa riga la era de sasso de lèsen, àgata e ametista. 13 La quarta riga la era de crisòlito, ónis e giade. Tuti questi sassi pressiosi i ze stati metesti rento el orlo de oro. 14 I sassi pressiosi i gavea el nome dei 12 fioi de Israel. Sora cada sasso i ga scrito un dei nomi dele 12 tribo, cossita come se scrive nte un selo. 32 Cossita, i ga finio de far tuto el laoro del tabernàcolo, o sia, la tenda de riunion. I israeliti i ga fato tuto come Geovà el gavea mandà Moisè far. Lori i ga fato pròpio cossita. 34 la pel de multon tinsesta de rosso, la pel de foca e la coltrina; 43 Quando Moisè l’è ndato veder tuto el laoro che lori i gavea fato, el ga visto che i gavea fato pròpio come Geovà el gavea mandà far. Alora Moisè li ga benedidi.