Levìtico

10 Gavé de proclamar la libertà nela vostra tera, par tuti quei che i ze de star lì. Questo sarà un ano de libertà e tuti valtri ndaré tornar ala vostra tera e la vostra fameia. 15 El prèssio de quel che te ghè comprà del to pròssimo sarà de acordo con quanti ani i ga passà del Ano dela Libertà. E el prèssio de quel che el to pròssimo el te vende el sarà de acordo con quante racolte ancora se podarà far. 18 Se valtri obedì le me lege e i me comandamenti, ndaré de star sicuri nela tera. 19 La tera la darà i so fruti e valtri ndaré magnar fin che basta e ndaré de star sicuri lì. 20 “‘Ma se valtri disé: “Cossa che ndaremo magnar nel sètimo ano se no podemo mia semenar e gnanca tor su dele nostre racolte?”, 21 sicuro che mi ve benedirò nel sesto ano, e la tera la darà la so produssion fin che basta par tre ani. 22 Alora, valtri ndaré semenar nel otavo ano. Ma fin che vien su questa racolta, magnaré dela ùltima racolta fin el nono ano.