1 Tessalonissensi

3 Parché, el nostro Dio e Pare el sa che seitemo ricordarse sempre del vostro laoro con fede, del vostro laoro duro con amor e dela vostra perseveransa par causa dela speransa che gavé nel nostro Signor Gesù Cristo. 5 parché gavemo predicà a valtri le bone notìssie nò sol par meso de parole, ma anca con poder, con spìrito santo, e èrino sicuri che quel che ve ghemo parlà l’era vero. Valtri savè che noantri gavemo fato tuto che podéino par giutarve. 6 E valtri gavé fato compagno a noantri e compagno al Signor, parché gavé acetà la parola soto tanto sofrimento, cola alegria che la vien del spìrito santo. 7 Cossita, valtri si deventadi un esémpio par tuti quei che i crede, dela Macedonia e dela Acaia. 8 In fati, par meso de valtri, le persone nela Macedonia e nela Acaia le ga scoltà la parola de Geovà, e in tuti i posti le persone le sa dela vostra fede in Dio. Par quela, no ocore che disemo gnente. 9 parché lori pròpio i seita relatar sora el primo contato che gavemo bio con valtri e come ve gavé voltà a Dio, drio cascar fora dei vostri santi, col fin de laorar come schiavi par el vero Dio che el vive