Génesi

11 Tuta la tera la gavea una sol léngua e un sol grupo de parole. 2 Quando i era drio viaiar par el leste, i òmini i ga savesto che ghen’era un posto piano nela tera de Sinear e i ga scominsià a viver lì. 3 Alora, lori i ga dito un al altro: “Vegné! Ndemo far matoni e ndemo cosinarli nel fogo.” Cossita, lori i ga doperà matoni invesse che sassi, e catran come malta. 4 Lori i ga dito: “Vegné! Ndemo far su una cità par noantri e una tore che la rivarà al cielo. Cossita, noantri saremo famosi e no se spaiaremo par tuta la tera.” 6 E Geovà el ga dito: “Lori i ze un sol pòpolo, con una sol léngua, e varda quel che i ze drio far. Adesso, no ghen’è gnente che lori i vol far che lori no i sìpia boni de farlo. 7 Ndemo do e ndemo confundir la so léngua parché lori no i capissa la léngua un del altro.” 8 Cossita, de lì avanti Geovà li ga spaiadi par tuta la tera e pin pian lori i ga assà de far su la cità. 9 Par quela che la cità la ze stata ciamada de Babel, parché Geovà el ga confundio la léngua de tuta la tera, e Geovà li ga spaiadi de quel posto par tuta la tera.