Giuisi

13 Gideon el ga rispondesto: “Scùsame, me signor, ma se Geovà l’è con noantri, parché ne sucede tuto questo? Ndove zele tute le robe maraveiose che i nostri pari i ne contea? I ne disea: ‘Geovà el ne ga tirà fora del Egito.’ Ma adesso Geovà el ne ga abandonà qua e el ne ga assà nele man de Midian.” 14 Geovà lo ga vardà e el ghe ga dito: “Va cola forsa che te ghè e te ndarè salvar Israel de Midian. Son mi che son drio mandarte.” 15 Gideon el ghe ga rispondesto: “Scusame, Geovà. Come che sarò bon de salvar Israel? La me fameia la ze la pi pìcola dela tribo de Manassè, e mi son el manco importante nela casa de me pare.”